• Басты бет
• Колледж туралы
• Жаңалықтар
• «Емдеу ісі» мамандығы бойынша ОӘБ

«Емдеу ісі» мамандығы бойынша ОӘБ

2023 жылдың сәуір айының 21 күні Абай облысының ДСБ «Д.Қалматаев атындағы мемлекеттік жоғарғы медицина колледжі» ШЖҚ КМК онлайн форматта «Емдеу ісі» мамандығы бойынша ОӘБ кезекті отырысы өтті. Отырысқа Қазақстан Республикасының және Ресей Федерациясының медицина колледждері белсене қатысты.
«Емдеу ісі» мамандығы бойынша ОӘБ төрағасы, колледж директоры, медицина ғылымдарының докторы, профессор С.З.Танатаров құттықтау сөз сөйледі.
Жоспар бойынша отырыс барысында келесі сұрақтар қарастырылды:

1. «Жүрек-тамыр жүйесінің аурулары» атты Облыстық ғылыми-практикалық конференциясының қорытындысын «Д.Қалматаев атындағы мемлекеттік жоғарғы медицина колледжі» ШЖҚ КМК арнайы пәндер оқытушысы Құрманова Ж.С. таныстырды.
2. Мұғалімдерге арналған мастер-класс бойынша Кеңес Одағының Батыры Мәншүк Мәметова атындағы Ақтөбе жоғары медициналық колледжінің арнайы пәндер оқытушылары Дементиевская Н. В., Игликова Г. Б. сөз сөйледі. Интерактивті платформалар арқылы терапевтік бейіндегі пәндерді оқытудың мотивациясы мен тиімділігін арттыру атты  бұл мастер-класстың мақсаты әріптестердің студенттердің мотивациясын игеруге деген қызығушылығын арттыру – оқуға қызығушылық тудыру болып табылады.
3. Халықаралық қатысумен «МЕДИЦИНА және БІЛІМ БЕРУ ІІІ: жаңа тәсілдер және өзекті зерттеулер» атты Республикалық ғылыми-практикалық конференциясының қорытындысын «Д.Қалматаев атындағы мемлекеттік жоғарғы медицина колледжі» ШЖҚ КМК әдіскері Какенова А.К. таныстырды.

Конференцияға 15 медициналық колледжден 40-тан астам қатысушы қатысты. Қатысушылар арасында ҚР көптеген колледждері мен Ресей Федерациясының колледждері болды.  Онлайн-қатысуға 17 үміткер қатысты. Көптеген өзекті тақырыптар талқыланды. Конференция қорытындысы бойынша 2 секцияда 1,2,3 дәрежелі 3 диплом табысталды:

1 секция бойынша. Оқытудың жаңа тәсілдері:

1 дәрежелі Диплом-Майсатов Санжар Майсатұлы, "Қарағанды жоғары медициналық интерколледжі" ЖМ;

2 дәрежелі Диплом-Валерьева Аида Роллановна,"Авиценна" жоғары медициналық колледжі " білім беру мекемесі;

3 дәрежелі Диплом-Оспанова А. Н. ШЖҚ "Павлодар медициналық жоғары колледжі" КМК.

2 секция бойынша. Медицинадағы өзекті зерттеулер:

1 дәрежелі Диплом-Калашникова Екатерина, Алматы қ. ҚДБ ШЖҚ «Жоғары медициналық колледжі» КМК;

2 дәрежелі Диплом-Майлыбек Балнұр Әлмаханқызы, Астана қаласы әкімдігінің "Жоғары медициналық колледжі" ШЖҚ МКК;

3 дәрежелі Диплом-Ерсайын Азамат Едігеұлы, "Қызылорда медициналық жоғары колледжі" ШЖҚ КМК.

Сертификаттар, дипломдар және электрондық мақалалар 15 мамырдан кейін электронды пошта арқылы жіберіледі, сонымен қатар медициналық колледждің веб-сайтына орналастырылады.

4. «Гепатиттен циррозға дейін: (проблемалар, шешу жолдары, алдын алу)» тақырыбындағы Республикалық презентация конкурсының (постерлік презентация) ережесімен ЖШС «Батыс Қазақстан жоғары медициналық колледжі» таныстырды.
5. "Терапиядағы шұғыл жағдайлар" атты Республикалық студенттік бейнероликтер байқауының қорытындысын шығарумен "Батыс Қазақстан жоғары медициналық колледжінің" ЖШС оқытушылары сөз сөйледі.
6. "Жас Анатом" Республикалық олимпиадасының, Қызылорда қаласының "Қызылорда жоғары медициналық колледжі" ШЖҚ МКК оқытушлары қорытындысын шығарды.

Отырыс соңында «Емдеу ісі» мамандығы бойынша ОӘБ төрағасының орынбасары А.М. Үлбауова сөз сөйлеп, отырыстың қорытындысын шығарды. Қатысушыларға үлкен алғыс айтып, маусым айына арналған жоспармен таныстырды. Күн тәртібіндегі барлық мәселелер толық ашылғанын атап өтті. Баяндамашылар жұмыс тәжірибесімен бөлісті, өзекті тақырыптар бойынша қызықты презентациялар ұсынылды. Талқылауға Рубцов медициналық колледжінің оқытушылары белсенді ат салысқанын атап өткен жөн.

Әріптестерімізге шығармашылық табыс, денсаулық, оқу жылының табысты аяқталуын тілейміз!