«Medical soft skills»

Абай облысында жас медициналық колледж оқытушыларының кәсіби шеберлігін арттыруға бағытталған «Medical soft skills» чемпионаты өтті. Іс-шара «Авиценна» жоғары медициналық колледжі базасында ұйымдастырылды. Чемпионат екі күн бойы екі модуль бойынша өтті:

✓ А модулі – «Медициналық ұйым жағдайында (хоспис / стационар) дәлелді күтімді жүзеге асыру»;

✓ В модулі – «Пациентке үй жағдайында күтім ұйымдастыру». Чемпионат барысында қатысушылар жоғары кәсіби дайындық деңгейін, педагогикалық шеберлікті, коммуникативтік дағдыларды және практикалық тапсырмаларды орындауда шығармашылық көзқарасты көрсетті.

Жарыс қорытындысы бойынша жеңімпаздар анықталды:

I орын – Абай облысы денсаулық сақтау басқармасының «Дүйсенбі Қалматаев атындағы мемлекеттік жоғарғы медицина колледжі» ШЖҚ КМК оқытушысы Даниярова Арайлым Ермекқызы;

II орын – «Авиценна» жоғары медициналық колледжінің оқытушысы Ақтынбаева Назира Бағыланқызы;

III орын – «Семей» медициналық колледжінің оқытушысы Бейсембаева Шынар Еркиновна.

Іс-шара Жұмысшы мамандықтары жылы аясында өткізіліп, медициналық колледж оқытушылары арасында кәсіби құзыреттілікті, педагогикалық әлеуетті дамытуға және тәжірибе алмасуға бағытталды.