Әлеуметтік серіктестермен кездесу

​Д.Калматаев атындағы мемлекеттік жоғары медицина колледжінде «Семей медицина университеті» КеАҚ және ҚР ДСМ СЭБК Абай облысының «Ұлттық сараптама орталығы» ШЖҚ РМК қызметкерлері «Мейіргер ісі», «Емдеу ісі» мамандықтарының түлектерімен кездесу өткізді.

Медицина университетінің өкілдері мамандықтар туралы айтып, түлектерге жоғары оқу орнында оқуды жалғастыруды ұсынды, қабылдау ережелерімен таныстырды. Ұлттық сараптама орталығының қызметкерлері өз ұйымдарының жұмыс ерекшеліктерімен таныстырды, диплом алды тәжірибеден өтуге және жұмысқа орналасуға шақырды.