АБАЙ ОБЛЫСЫ ДСБ «Д. ҚАЛМАТАЕВ АТЫНДАҒЫ МЕМЛЕКЕТТІК ЖОҒАРҒЫ МЕДИЦИНА КОЛЛЕДЖІ» ШЖҚ КМК
Меню
8 (7222) 36-14-79, 36-03-31, 56-35-00

Әдіскер кабинеті

 

 

Какенова Арайлым Куандыковна

2015 жылы Семей қаласының Мемлекеттік медицина университетін "Қоғамдық денсаулық сақтау" мамандығын бітірген.

2015 жылдан бастап практикалық денсаулық сақтау саласында "Бородулиха аудандық орталық ауруханасында" дәрігер статист болып жұмыс істеді.

2019 жылдан бастап "Семей қаласының Д.Қалматаев атындағы мемлекеттік жоғарғы медицина колледжі" ШЖҚ ҚМК "Микробиология және вирусология", "Мейіргер ісіндегі инфекциялық бақылау"пәндерінің оқытушысы қызметіне қабылданды.  Педагогика ғылымдарының магистрі.

2020 жылдың 1 ақпанынан бастап колледж әдіскері қызметін атқарады.

Ахметова Гульнур Сериковна

2003 жылы Семей мемлекеттік медицина академиясын "дәрігер-педиатр" мамандығын бітірген.

2004 жылдан бастап практикалық денсаулық сақтау саласында "Ақсу қаласының қалалық жұқпалы аурулар ауруханасында" "дәрігер инфекционист"болып жұмыс істеді. 2006 жылдан бастап "Семей қаласының Д.Қалматаев атындағы мемлекеттік жоғаргы медицина колледжі" ШЖҚ ҚМК "Инфекциялық аурулардағы мейіргер ісі", "Инфекциялық аурулар"пәндерінің оқытушысы қызметіне қабылданды.  Жоғарғы санатты оқытушы.

2021 жылдың 1 қыркүйегінен бастап колледж әдіскері қызметін атқарады.

Колледждің 2022-2023 оқу жылына арналған жалпы әдістемелік тақырыбы - " Білім алушының тұлғасын табысты дамыту үшін инновациялық білім беру технологияларын енгізу және педагогикалық шеберлікті жетілдіру арқылы білім беру процесінің сапасын арттыру ".

2022 жылдың қыркүйек айында колледждің әдістемелік кеңесінің отырысы өткізілді, онда циклдік әдістемелік комиссия төрағалары әдістемелік кеңестің жұмыс жоспарымен таныстырылды, колледждің әдістемелік тақырыбы бойынша презентация дайындалды, колледж ішінде іс-шаралар тағайындалды.

 

Колледждің әдістемелік қызметінің құрылымы:

Абай облысы денсаулық сақтау басқармасы"Д.Қалматаев атындағы мемлекеттік жоғарғы медицина колледжі" ШЖҚ КМК әдістемелік кабинеті - бұл оқытушыларды даярлау, олардың ақпараттық кеңістігін кеңейту, колледж оқытушыларының жұмыс тәжірибесін жинақтау, озық білім беру технологияларын жүйелеу, енгізу орталығы.

Әдістемелік кабинет жұмысына циклдік әдістемелік комиссия төрағалары, пәндер оқытушылары мен үйірме жетекшілері қатысады.

Әдістемелік кабинеттің жұмысы колледж жарғысы, Қазақстан Республикасы Денсаулық сақтау министрлігінің, Қазақстан Республикасы Білім және ғылым министрлігінің қолданыстағы нормативтік заңнамалық актілері негізінде жүзеге асырылады. Әдістемелік кабинетте сондай-ақ қазіргі заманғы оқу процесінің өзекті мәселелеріне арналған әдістемелік ұсынымдар, қағидалар бар.

Әдістемелік кабинет колледж оқытушыларының әдістемелік жұмысын үйлестіру және ұйымдастыру үшін құрылған. Әдістемелік жұмыста басты назар колледж оқытушыларының мониторингіне аударылады. Оқытудың белсенді әдістерін пайдалану, оқу сабақтары мен сыныптан тыс іс-шаралардың дәстүрлі емес нысандарын өткізу біздің оқытушыларымыздың осы саладағы кәсіби қызметке қызығушылығын арттырады және оқу процесіне ынта мен қызығушылық тудырады.

Сондықтан колледжде әдістемелік кабинеттің жоспарына сәйкес түрлі ашық сабақтар, сыныптан тыс іс-шаралар, білімнің қоғамдық байқауы, оқу пәндерінің бірлестіктеріне негізделген кіріктірілген сабақтар өткізіледі.

Сонымен қатар әдістемелік кабинетте "Жас оқытушылар мектебі"жұмыс істейді. Мұнда жас мамандарға кәсіби дағдыларды меңгеруге көмектесетін әдістемелік көмек көрсетіледі.

Әдістемелік кабинет міндеттері

  1. Білім беру бағдарламаларын іске асыруды ғылыми-әдістемелік қамтамасыз ету.
  2. Білім беру процесінің жаңа технологияларын, әдістерін, құралдары мен нысандарын әзірлеу, енгізу және қолданыстағыларын жетілдіру.
  3. Шығармашылық ойлауды дамыту, оқытушылардың біліктілігін және кәсіби шеберлігін арттыруды қамтамасыз ету, педагогикалық ұжымның ғылыми – әдістемелік әлеуетін жетілдіру.

 

Әдістемелік кабинет жұмысының негізгі бағыттары

* инновациялық педагогикалық технологияларды енгізу;

* жалпы кәсіптік және арнайы пәндер бойынша үштілді оқытуды бейімдеу;

* педагогикалық семинарлардың, практикумдардың, конференциялардың жұмысын қамтамасыз ету;

* оқытушылардың озық тәжірибелерін зерттеу және тарату;

* Денсаулық сақтау және білім беру мәселелері бойынша ғылыми-практикалық конференциялар, ғылыми-зерттеу жұмыстарын, семинарлар мен кеңестер ұйымдастыру және өткізу;

* дипломдық және курстық жұмыстар аясында қолданбалы бакалавриат ББ түлектерінің зерттеу қызметін қолдау және басқару;

* педагогтардың біліктілігін арттыру;

* жалпы және жеке педагогикалық, дидактикалық және басқа да мәселелер бойынша топтық және жеке консультациялар ұйымдастыру;

* оқу үрдісіне оқу-бағдарламалық құжаттарды, әдістемелік ұсынымдарды қолдану және енгізу бойынша жұмысты ұйымдастыру;

* оқытушылардың өздігінен білім алуына көмек көрсету;

* нормативтік құжаттарды, сондай-ақ білім беру қызметінің түрлері бойынша үздік әдістемелік әзірлемелерді жинақтау және жүйелеу;

* ақпараттық-компьютерлік технологияларды пайдалану.